تولد الأفكار في لحضة 🤔

احيانا تطن ف راسي فكره.. وإذا جا هذا الوقت،، لازم أنفذ هالشي ضروووري

.. انا اعشق الكتابه،، ولاكن مع الأسف صرت أتكاسل و صارت انشغالاتي كثثثيره.. وسبب اخر ، احس احيانا الكتابه في وقتنا الحالي مو مهمه ل هالدرجة،، ف اقول خليني اركز على اليوتيوب. بس اكتشفت اني غلطانه.... 

ملاحضة ^^

الحين قاعده اكتب.. الوقت متاخر و مانمت.. المشكله توني مأكله شبس وخرابيط.. وقررت اشرب شاي صيني يمكن أعوض البلاًوي إليّ سويتها هههههههههههههههه

تصبحون ع خير

اتذكر اول سنه ف الجامعه، كنت ابي افتح المدونه و كانت المدونه هي الشي الرىيسي،، يعني ما فكرت ب يوتيوب نوعا ما ماكان الشي الأساسي لاني احب اكتب.. بس صارتلي اشيا موخرا، ولذلك قررت اني أوسع مدونتي ومواضيعها ، واسوي تحديث كل اسبوع ان شاءالله.. منها سوالف وفضفضه،، ومنها اشيا مفيده ليش لا..

طالما كانت الكتابه بالنسبه لي شي عظيم ومقدس.. اتمنى أتوفق ب كل المجالات الي احبها خصوصا الكتابه و صنع الفيديوهات💕

السلام عليكم ورحمة الله

 فيديو اليوم باذن الله بتكلم عن طريقة تنظيم يومياتنا و حياتنا عن طريقة كتابة المهام و الاشغال اليومية

نبذة عن شغف..

هههههههههههه في كثير بنوتات في تعليقات اليوتيوب يقولولي يا حظك مرتبه دائما غرفتك ووووو واغراضك
والحقيقة لا مو ل هذي الدرجة.. ترا انا حوسة بس الحلو فيني اني احب دائم غرفتي تكون نظيفة و مرتبه .. احيانا اقعد اسبوع حوسة تخيلو؟؟؟ عشان كذا احب دائم اسوي افكار عن تنظيف الغرفه .. لاني اتعب نفسيا لما تتحوس واللهى جد.
المهم
انا من دخلت الجامعه.. كثرت اشغالي صراحة.. مواعيد التقويم + المستشفى + المناسبات و طبعا الجامعه و الاختبارات وحوسة الجامعه بكبرها.. ف كنت دايم محبطة و ما ادري وش اسوي وكيف انظم حياتي... مريت مرة مكتبه وكانت فيها كثير دفاتر و نوتات لتنظيم المهام .. وقتها قلت وااااااااااااااو لقيت الحل الذهبي خلاص حياتي تنظمت هههههههههههههههههههههه بس كنت غلطانه
بالعكس
شريت اشياء كثير ولا استعملتها ل ضيق الوقت ف غلط يا ناس لا تعتمدون على شي ممكن ينظم حياتكم لاااااااا مافي شي يرتب هذي مجرد وسائل (تساعدك) مش سحر
يالله نبدا..
اول شي انا العام طلبت هذا البلانر
من امازون

 وصراحة ساعدني كثير.. كنت اتمنى القى واحد بتاريخ هجري و ميلادي بس يا يكون مخلص او ما يعجبني شكله..
مع اني اقدر اسوية بنفسي عن طريق برنامج الوورد. وقد سويته قبل بس لا ابي جاهز

رابط شرائة
https://www.amazon.com/ideas-Create-Planner-Botanical-Garden/dp/B01BULDT9G

راح تشوفون في المقطع طريقتي ب تزيينه + كيف اكتب فيه وغيرها من الافكار

❄❄❄❄❄❄❄❄❄❄❄❄❄❄❄❄❄❄❄❄❄❄❄❄❄❄❄

 طبعا هذا احد الاختيارات .. لاكن انا قبل ماكنت اقدر اطلب او اشتري.. ف هنا عندك كم فكرة
** تلقون في محلات ابو 2 او دايسو او المكتبات مثل هذي الملصقات.. مرة مفيدة.. ممكن تخلينها يومي تكتبين و خلاص تشخطين على المهمة الي خلصتيها.
** ممكن تستخدمون دفتر عادي وتكتبون فيه المهام وتستخدمون ستيكي نوت مثلا.. صور الخ
** ممكن تطبعون التقويم من النت وتزينونه وخلاص يصير هذا المذكرات اليومي الخاص فيك (:
في الف طريقة.. انتي دوري اللي ريحك.

هذا تقويم جاهز... اذا ماعجبك ممكن تعدلين فية وتدرجين صور او جداول عن طريق برنامج الوورد.

عربي
http://www.islamicfinder.org/islamic-calendar/?language=ar

ميلادي
هذا رابط لمدونة عجيييييييييبة فيها تقويم بشكل يومي شهري سنوي الخ .. اختارو الي يعجبكم
http://scatteredsquirrel.com/printable/personal-planner/

هنا جدول مهام يومي بالتواريخ الهجرية وايام الاجازات ووووو ينفع اذا كنتي بالجامعه او المدرسة مره

http://fac.ksu.edu.sa/sites/default/files/jdwl_lmhm_lsbwy.pdf

و هنا افكاري الخاصة يلي انا عملتها في برنامج االوورد.. مجانيه و جاهزة للطباعة.. اتمنى لو تستخدمونها منشنوني في الانستجرام او تويتر بنبسط مررررة لو استخدمتوها
الطريقة على قناتي في اليوتيوب....

https://drive.google.com/open?id=0BzXJyto8FEttLVl2b0d5V2hjZ3M
0:


, وهنا بعض الصور و ال ستيكرات ممكن تقصوها وتساعدكم..

شكرا لكم واتمنى استفدتو
happy planning (:

مرحبا أصدقاء مدونة شغف

..

اخر مقطع على قناتي مجموعة من النصائح والطرق لتنظيف الغرفة..
أتمنى تكونون استفدتو من المقطع..
افكار عن الترتيب و التنظيم بالطريق باذن الله

💙💙💙💙💙

https://youtu.be/gBLrMDWALvU

https://youtu.be/gBLrMDWALvU?t=10

#كتاب_أعجبني

BOOK OF THE DAY

wuthering heights

بخصص فقرة للكتب الي قريتها واعجبتني
وان شاءالله كل شهر مرة او مرتين بكتب عنه

💙❤💜💛💚💛❤💙💜

اليوم بتكلم عن كتاب عزيز جدا ع قلبي و قصه تجنن اثرت فيني كثييير.. هالكتاب شريته قبل 5 سنوات وبسرعه ادمنته . تعرفون لما تشوفون فيلم ويعجبكم ودكم تتابعون للاخر الاحداث و وش صار وكيف النهايه ؟؟ بالضبط. شريت الكتاب بثاني سنه جامعه , وكان وقتها اختبارات شهريه 😓 بس كنت بسرعه اخلص الاشياء الي علي وارجع اكمل قرايه ولا اخذ كل شوي بريك عشان اكمل الكتاب و خلصته بسرعه واقراه بكل الاوقات .. انا كذا لما احب كتاب لازم بسرعه اخلصه ... خصوصا ان الكتاب بصراحه مثير للاهتمام والاحداث شلون مرتبه .. والكاتبه تجنن اسمها ايميلي برونتي و هذا الكتاب هو الروايه الوحيده لها, ليتها كملت كتابة روايات بدل الشعر و غيره. و ع فكره وقتها كان ممنوع ان المرأءة تكتب كتب او شعر او غيره . كان المجتمع الانكليزي آنذاك يحكر المراءة وتكون وظيفتها التنظيف \ الخياطة واشياء جدا عادية بحيث ما تمارس هواياتها و ماتكون احسن من الرجل 😑😑😑😑😑

الكتاب الي جبته كان مترجم وهذا احسن شي لان المفردات الادبيه تكون شوي صعبه  لذلك اخذته مترجم. وهذا شي جميل للي حاب يدرس ترجمة و يستفيد. شخصيا هالكتاب فادني كثير بدراستي و بمجال الترجمة.

قصة الكتاب باختصار***

اولا . الروايه تروى من قبل المربيه او الخادمة الي كانت تسكن مع هذي العائله, ف هي اقرب من ان تكون مجرد مربيه لانها عاشت معهم تقريبا 30 سنه . فتعرف اطباعهم وحياتهم وتفكيرهم وما إلى ذلك. المكان اسمه مرتفعات وذرينج , وهو مكان في الريف الانجليزي. في هذا المكان يوجد منزلين (منزل ايرنشو وعندة طفلين كاثرين و هندلي) منزل لينتون وعنده ولدين برضو ادغار و ايزابيل)

هيثكليف هو بطل القصه .. من هو؟ طفل يتيم مشرد تم تبنيه من قبل السيد ايرنشو. ولدة كان يغااااااااار دايم ويتكبد له المكايد.لان ابوة يحبه. وتبدا الاحداث عاد.

 الرواية تحكي عن قصة الحب والشغف  مو معناته الروايه رومانسيه , لا اعمق من كذا بس يبقى هالشي رئيسي في هالروايه. واكثر شي حبيت دورها هو البنت المسكينه كاثرين. كاثرين حبت هيثكليف الي تبناه ابوها ومن هنا تبدا المشاكل والبلاوي.

حجم الكتاب.... بس لانه مترجم نص الكتاب عربي
فإذا تحبون القراءه سواء بالعربي او الانجلش.. بتحصلون الكتاب ب جرير او العبيكان وغيره .. واذا تبغون توفرون ممكن تلقون الكتاب pdf

اذا تبغون تقرون نبذة زيادة هذا رابط الويكيبيديا

https://ar.wikipedia.org/wiki/%D9%85%D8%B1%D8%AA%D9%81%D8%B9%D8%A7%D8%AA_%D9%88%D9%8A%D8%B0%D8%B1%D9%86%D8%BA

الى اللقاء في مناقشة  كتاب ثاني.
💜❤💙

OOTD

💙❤💜💙❤💜💙💙

 لبسي اليوم

مرحبا.. اليوم بوريكم لبسي لما رحت عند صاحباتي.. احب البس اشياء هاديه و عاديه جدا لاني امون عليهم ف مايحتاج اتكلف واصير رسميه.

اول شي التنورة هذي من محل ب مارينا مول.. منفوشة وتحلي الشكل مره كيوت ع اللبس

اخترت معها هذي البلوزة من ستي ماكس

وهذي الشنطة من محل ستارديفاريوس

حبيت اللون الجملي مع اللبس احس يكسر اللون واللون هذا بطل مع كل شي يضبط.. خصوصا الشنط و الشوزات

هذا السلسال او القلادة الجميله من محل كوتن

واخيرا هذي الاشياء الي احملها في شنطتي وقت ما اطلع

البودرة و الفرشاه عشان اذا ساح شي بس اطبطب عالخفيف

الماسكارا غالبا احطها لما اوصل 😁😁 عادي امون عليهم

المشط عشان اذا طارت الكشه

و اكيد الروج المات الاحمر من ماركه سليك

وبس .. اتمنى اعجبتكم التدوينة اللطيفه ❤💙💜

     

bye bye July

مفضلاتي لشهر يوليوJuly favorite 2016

💜💙💜💙💜💙💜💙💜💙💜💙💜💙💜💙💜

صباح / مساء السعادة

و لأول مره راح اطرح تدوينه مفضلات كتابه و تصوير.. بالعادة اعمل فيديو بس قلت من باب التغيير.

يالله نبدا اول شي بمناكيري المفضل هالشهر

حبيته مرة وكثير هالشهر حطيت منه مدري يمكن عشان اللون ناسب ملابسي العيد وحسيته يلبق مع كذا لبس

من صور الانستجرام 😏

درجة اللون 👆

_________________________________________________________________

و الحين فقره الماكياج

اول شي روج جميل و هادئ من ماركة ريميل

تكلمت عنه في تدوينه منفصله.

سعره تقريبا 35 ريال بس

شريته من صيدلية

@whites_pharmacy

بلاش برونزي جميل من ماركة nyx

ياااااااااااااااااااه قد ايش جميل

ع كثر ما احب الوان التان و البلاشات بس هذا بالنسبه لي مثاااالي

لونه يجمع بين ذهبي لمعه برتقالي زهري و بني,, ادمجه مع بعض ويطلع  👍

هذي الدرجة الي اخترتها لان كان فيه كذا درجه يمكن 5 بس هذي حبيتها 👆

 سواتش 👆

شمع و بودرة الحواجب من ماركة sleek

##

انا صبغت شعري من فتره بلون فاتح جدا.. ف مكنت املك شي نفس لون شعري.. ف شريت هذا عقب ما سويتله سواتش ف المحل.. و من رمضان وانا استخدمه مع اني شريته من فتره.. حبيت اللونين مو نفس شي بالضبط. ف ارسم ب الشمع اول ثم من الاطراف اعيد ب البودرة.

درجة اللون..... ينايب اذا كان الشعر بلاتيني او رمادي زيتي

👆

صوره اقرب .. و احلى شي الفرش الصغنونة الي تجي معهم تجننننننننننننننن.

سعره ب 40 تقريبا

اوووووووووووووووو  عاد كحل كاجال من ماركة اسسنس 

راح اسوي تدوينه كامله عنه.. بطل بطل

اووووووووووووووووووووووووووووووووه

اخيرا شريت المنشفة العجيبه ل ازاله الماكياج.

تدوينه كامله عنها او فيديو بهذا الرابط

بطله و استعملتها كذا مره.. توفر عليك كثيييير اشياء

_____________________________________________________________________________

واخر شي من مفضلاتي هي قطعة اكسسوار عجيبه .. شريتها من سبلاش

احسها انيقة 

سعرها تقريبا ب 30 ريال 

هذا كل شي بالنسبة ل مفضلاتي.. وكل امنتجات الميك اب شريتها من صيدليه وايتس

جربتي شي منها ؟ خبرينا عن تجربتك

❤

صباح/ مساء السعاده..
حان وقت طرح المفضلات..