#كتاب_أعجبني

BOOK OF THE DAY

wuthering heights

بخصص فقرة للكتب الي قريتها واعجبتني
وان شاءالله كل شهر مرة او مرتين بكتب عنه

💙❤💜💛💚💛❤💙💜

اليوم بتكلم عن كتاب عزيز جدا ع قلبي و قصه تجنن اثرت فيني كثييير.. هالكتاب شريته قبل 5 سنوات وبسرعه ادمنته . تعرفون لما تشوفون فيلم ويعجبكم ودكم تتابعون للاخر الاحداث و وش صار وكيف النهايه ؟؟ بالضبط. شريت الكتاب بثاني سنه جامعه , وكان وقتها اختبارات شهريه 😓 بس كنت بسرعه اخلص الاشياء الي علي وارجع اكمل قرايه ولا اخذ كل شوي بريك عشان اكمل الكتاب و خلصته بسرعه واقراه بكل الاوقات .. انا كذا لما احب كتاب لازم بسرعه اخلصه ... خصوصا ان الكتاب بصراحه مثير للاهتمام والاحداث شلون مرتبه .. والكاتبه تجنن اسمها ايميلي برونتي و هذا الكتاب هو الروايه الوحيده لها, ليتها كملت كتابة روايات بدل الشعر و غيره. و ع فكره وقتها كان ممنوع ان المرأءة تكتب كتب او شعر او غيره . كان المجتمع الانكليزي آنذاك يحكر المراءة وتكون وظيفتها التنظيف \ الخياطة واشياء جدا عادية بحيث ما تمارس هواياتها و ماتكون احسن من الرجل 😑😑😑😑😑

الكتاب الي جبته كان مترجم وهذا احسن شي لان المفردات الادبيه تكون شوي صعبه  لذلك اخذته مترجم. وهذا شي جميل للي حاب يدرس ترجمة و يستفيد. شخصيا هالكتاب فادني كثير بدراستي و بمجال الترجمة.

قصة الكتاب باختصار***

اولا . الروايه تروى من قبل المربيه او الخادمة الي كانت تسكن مع هذي العائله, ف هي اقرب من ان تكون مجرد مربيه لانها عاشت معهم تقريبا 30 سنه . فتعرف اطباعهم وحياتهم وتفكيرهم وما إلى ذلك. المكان اسمه مرتفعات وذرينج , وهو مكان في الريف الانجليزي. في هذا المكان يوجد منزلين (منزل ايرنشو وعندة طفلين كاثرين و هندلي) منزل لينتون وعنده ولدين برضو ادغار و ايزابيل)

هيثكليف هو بطل القصه .. من هو؟ طفل يتيم مشرد تم تبنيه من قبل السيد ايرنشو. ولدة كان يغااااااااار دايم ويتكبد له المكايد.لان ابوة يحبه. وتبدا الاحداث عاد.

 الرواية تحكي عن قصة الحب والشغف  مو معناته الروايه رومانسيه , لا اعمق من كذا بس يبقى هالشي رئيسي في هالروايه. واكثر شي حبيت دورها هو البنت المسكينه كاثرين. كاثرين حبت هيثكليف الي تبناه ابوها ومن هنا تبدا المشاكل والبلاوي.

حجم الكتاب.... بس لانه مترجم نص الكتاب عربي
فإذا تحبون القراءه سواء بالعربي او الانجلش.. بتحصلون الكتاب ب جرير او العبيكان وغيره .. واذا تبغون توفرون ممكن تلقون الكتاب pdf

اذا تبغون تقرون نبذة زيادة هذا رابط الويكيبيديا

https://ar.wikipedia.org/wiki/%D9%85%D8%B1%D8%AA%D9%81%D8%B9%D8%A7%D8%AA_%D9%88%D9%8A%D8%B0%D8%B1%D9%86%D8%BA

الى اللقاء في مناقشة  كتاب ثاني.
💜❤💙

OOTD

💙❤💜💙❤💜💙💙

 لبسي اليوم

مرحبا.. اليوم بوريكم لبسي لما رحت عند صاحباتي.. احب البس اشياء هاديه و عاديه جدا لاني امون عليهم ف مايحتاج اتكلف واصير رسميه.

اول شي التنورة هذي من محل ب مارينا مول.. منفوشة وتحلي الشكل مره كيوت ع اللبس

اخترت معها هذي البلوزة من ستي ماكس

وهذي الشنطة من محل ستارديفاريوس

حبيت اللون الجملي مع اللبس احس يكسر اللون واللون هذا بطل مع كل شي يضبط.. خصوصا الشنط و الشوزات

هذا السلسال او القلادة الجميله من محل كوتن

واخيرا هذي الاشياء الي احملها في شنطتي وقت ما اطلع

البودرة و الفرشاه عشان اذا ساح شي بس اطبطب عالخفيف

الماسكارا غالبا احطها لما اوصل 😁😁 عادي امون عليهم

المشط عشان اذا طارت الكشه

و اكيد الروج المات الاحمر من ماركه سليك

وبس .. اتمنى اعجبتكم التدوينة اللطيفه ❤💙💜

     

bye bye July

مفضلاتي لشهر يوليوJuly favorite 2016

💜💙💜💙💜💙💜💙💜💙💜💙💜💙💜💙💜

صباح / مساء السعادة

و لأول مره راح اطرح تدوينه مفضلات كتابه و تصوير.. بالعادة اعمل فيديو بس قلت من باب التغيير.

يالله نبدا اول شي بمناكيري المفضل هالشهر

حبيته مرة وكثير هالشهر حطيت منه مدري يمكن عشان اللون ناسب ملابسي العيد وحسيته يلبق مع كذا لبس

من صور الانستجرام 😏

درجة اللون 👆

_________________________________________________________________

و الحين فقره الماكياج

اول شي روج جميل و هادئ من ماركة ريميل

تكلمت عنه في تدوينه منفصله.

سعره تقريبا 35 ريال بس

شريته من صيدلية

@whites_pharmacy

بلاش برونزي جميل من ماركة nyx

ياااااااااااااااااااه قد ايش جميل

ع كثر ما احب الوان التان و البلاشات بس هذا بالنسبه لي مثاااالي

لونه يجمع بين ذهبي لمعه برتقالي زهري و بني,, ادمجه مع بعض ويطلع  👍

هذي الدرجة الي اخترتها لان كان فيه كذا درجه يمكن 5 بس هذي حبيتها 👆

 سواتش 👆

شمع و بودرة الحواجب من ماركة sleek

##

انا صبغت شعري من فتره بلون فاتح جدا.. ف مكنت املك شي نفس لون شعري.. ف شريت هذا عقب ما سويتله سواتش ف المحل.. و من رمضان وانا استخدمه مع اني شريته من فتره.. حبيت اللونين مو نفس شي بالضبط. ف ارسم ب الشمع اول ثم من الاطراف اعيد ب البودرة.

درجة اللون..... ينايب اذا كان الشعر بلاتيني او رمادي زيتي

👆

صوره اقرب .. و احلى شي الفرش الصغنونة الي تجي معهم تجننننننننننننننن.

سعره ب 40 تقريبا

اوووووووووووووووو  عاد كحل كاجال من ماركة اسسنس 

راح اسوي تدوينه كامله عنه.. بطل بطل

اووووووووووووووووووووووووووووووووه

اخيرا شريت المنشفة العجيبه ل ازاله الماكياج.

تدوينه كامله عنها او فيديو بهذا الرابط

بطله و استعملتها كذا مره.. توفر عليك كثيييير اشياء

_____________________________________________________________________________

واخر شي من مفضلاتي هي قطعة اكسسوار عجيبه .. شريتها من سبلاش

احسها انيقة 

سعرها تقريبا ب 30 ريال 

هذا كل شي بالنسبة ل مفضلاتي.. وكل امنتجات الميك اب شريتها من صيدليه وايتس

جربتي شي منها ؟ خبرينا عن تجربتك

❤

صباح/ مساء السعاده..
حان وقت طرح المفضلات..

RIMMEL LIPSTICK / CORAL BRITANNIA 630

I just love this shade

I picked this shade from rimmel London ‘ randomly two months ago. I don’t know why but I just fall in love with it. 

The problem is that I forgot about it, so when I was in a hurry I couldn’t find my lipsticks somehow, so I found this on my vanity.

And now I’m using it constantly

Swatch from this shade / I hope it will be clear enough 

Good luck and happy picking  #lol

MY HAIR CARE ROUTINE //طريقة عنايتي بشعري

مرحبا..

اليوم بخبركم طريقة عنايتي بشعري، بس طبعا مو عنايه أسبوعية /شهريه……..الخ

لا. بس كيف احافظ على شعري وقت الخرجات

طبعا احيانا تجيني فتره واقعد فتره طويلة وشعري أعمله ليس” سحب.

احيانا الفه ب مكواة الشعر يعطي تموجات خفيفه.. الفترة هذي طايحه ب سحب الشعر “شعر حرير على الاكتاف يطير” (؛

بعد ماينشف شعري سواء طبيعي او ب مجفف الشعر ، أبدا باستخدام الزيت المغذي الجميل من ماركة organix 

هو زيت بخلاصة الماكاديميا ومجموعة من الزيوت الاخرى وخلاصة البامبو وغيره.

 يستعمل كأنه سيروم او كريم.. يوضع بعد الشاور ويعمل مساج خفيف لكامل الرأس ، ويصفف الشعر. 

انا أحطه برضو لما اخلص كل شعري على أطراف الشعر / التقصفات. جميل بمعنى الكلمه. و خفيف جدا ولا كأنه زيت. ويعيش معك مدة طويلة. افضلّ شي انه بلاستيك.

الخطوة الثانيه 

بخاخ من ماركة TRESemme

بخلاصة زيت الارغان المغربي للتحكم بتطاير الشعر 

فعلا منتج يستاهل كل ريال و غريبة ما سوى ظجه. انا من اول استعمال لاحضت الفرق. شعري ماصار يتطاير. هو وظيفته يتحكم بالعطاطيب المتطايره وال flay away

احبه مره ما استغنى عنه، عندي استغنى عن السيروم بس هو لااااااا

ابخة ع كامل شعري على مسافه شوي عشان يستفيد الشعر كله.

واخيرا وليس آخرا

استخدم منتج برضو من TRESemme

للحماية من الحرارة، برضو المنتج يعطي لمعه لابأس بها

ولاكن اكيد اللمعة ماراح تبين اذا الشعر تعبان. ف المنتج مهم لكل شخص يستخدم الحراره لانه واقي يعتبر ضد الأجهزة الكهربائية. عشان مايتلف الشعر كليا. هالمنتج يساعد على الحماية اكيد. ويقال انه يعيد الكيراتين. ف هذي نقطة اضافيه لحب المنتج زياده
أتمنى تكونون استفدتو . واكيد كل وحده عندها منتجات تحبها و ماتستغنى عنها، فإذا في منتج استفدتي منه، شاركينا رأيك و تجربتك

💚💛💜💙❤